te apramāṇabalabuddhi vicārayantaḥ susukṣmajñānaparamā jagatā durjñeyā /
tatha guhyasthāna sugatāna samosaranto bhūmi kramanti navamī jagato 'rthakārī // 14 //
te dhāraṇīmukhi samādhisamāhitāgrā vipulā abhijñā api kṣetrapraveśanantam /
balajñānaniścayam api jinudhairyasthānaṃ praṇidhīkṛpāśayavidū navam otaranti // 15 //
te atra bhūmyanugatā jinakośadhārī kuśalāś ca dharma'kuśalāś ca avyākṛtāś ca /
ye sāśravā api ca lokika ye ca āryāś cintyā acintiya vidū anubuddhyayanti // 16 //
niyatāṃś ca dharma'niyatāṃ pravicārayanti trayayānasampadakriyāṃ paritārayanti /
bhūmidharma yathā adhimukti pracārataś ca abhisaṃskaronti yatha lokya tath'otaranti // 17 //
te evajñān'anugatā varasūkṣmabuddhī sattvāna cittagahanaṃ parimārgayanti /
(cittaṃ vicitrakṣaṇavartanivartatāṃ ca) cittam anantaprabhavaṃ sada otaranti // 18 //
kleśāna'nādina prayogasahāyataś ca ye paryutthāna'nuśayā gatisandhitaś ca /
tatha karmapraveśa vicitravibhaktitaś ca hetū niruddha phala'nāśa samotaranti // 19 //
indriya yā mṛdukamadhya-udārataś ca sambheda pūvam aparānta samotaranti /
adhimuktinaikavividhā śubha āśubhataś ca catvāri āśiti sahasra samotaranti // 20 //
dhātūprabheda sada bhāvita kleśadṛṣṭī gahanaṃ gatā anavarāgra-acchedataś ca /
ye āśayā anuśayā sahajapracārī cittāsamosṛtanibaddha accheda tanti // 21 //
ye āśayā anuśayā na ca dravyabhūto na ca deśasthā na ca vipravasanti āśayā /
durjñeya dhyānaviṣayānabhivartiyāś ca chedaś ca mārgavijireṇa na cānyam asti // 22 //
upapattiṣaḍgativibhaktipraveśataś ca snehaṃ ca tṛṣṇam avidyāndhaka karmakṣetrā /
vijñānabīja sahajāṅkura nāmarūpaṃ traidhātuke anavarāgra samotaranti // 23 //
te vāsanāgati kileśa ca karma cittā suvihāratāya na punargatisanta kāmā /
rāśitribhir niyata sattva samotaranti dṛṣṭīnimagnam api jñāna samotaranti // 24 //
evaṃ vicāraṇagatāḥ sthita atra bhūmyāṃ sarvasattva-āśaya yathendriya yādhimuktiḥ /
teṣām arthe dharmavibhakti prakāśayanti pratisaṃvid artha kuśalāḥ pratibhā nirukti // 25 //
te dharmabhāṇakagatī anuprāpta (sthānaṃ) siṃhariṣabhanibhā girirājakalpāḥ /
abhipravarṣanti madhuram amṛtasya varṣaṃ bhujagendra sāgara yathā anupūrayanti // 26 //
hitārthajñānakuśalās tatha dharmatāyāṃ sarvaṃ nirukt'anugatāḥ pratibhānaprāptāḥ /
te dhāraṇīdaśa-asaṃkhyasahasralabdhā dhāranti dharma yatha (sāgara varṣadhārī) // 27 //
evaṃ ca dhāraṇiviśuddhisamādhiprāptā ekakṣaṇena daśabuddhasahasradṛṣṭāḥ /
śravaṇena dharmaratanaṃ ca nideśayanti (ekaikamaṇḍalaviśuddhisvarāṅgagatāḥ) // 28 //
vyohārate trisahasramahalokadhātuṃ pariśeṣasattvavividhās trayaratanebhyaḥ /
toṣenti sarva yatha indriya āśayāś ca catudvīpasāgaravarṣā va samottaranti // 29 //
(bhūyottariṃ guṇinu vīrya samārabhante) citt'anti vālaprasar'asmi sucetanantāḥ /
deśeyu dharma sugatāḥ puna nānasattvaṃ śrutvā dharema yatha sarvada (bījadhārī) // 30 //
(yāvatakā) jagat'iha praviśanti sattvāḥ (te sarva ekapariṣanmaṇḍale niṣaṇṇāś ca) /
eṣāṃ ca ekakṣaṇi sarvi samotaritvā ekārutena imi tarpayitavya sarve // 31 //
(atra sthitā naramaruttama dharmarājā bhontī dharmair jinasutāḥ paricālayanti /)
rātriṃ divaṃ sada jinaiḥ samadhānuprāptā gambhīraśānta sthita jñānavimokṣa dhīra // 32 //
(te 'nekabuddhaniyutān paryupāsayante) bhontī uttapta paṇu cakravartaḥ prabhāvā /
tasya kleśagahanāni prabhā samājiya brahmaṇo 'va dvisahasrikalokadhātuḥ // 33 //
(atra sthitā guṇadharā) mahabrahma loke bhontī (triyānadeśanaṃ viditvānubhāvā /)
yaṃ caivam ārabhati sarvajagaddhitāya sarvajñajñān'upagatā guṇajñānaprāptā // 34 //
(kṣetrāpramāṇaparyāpanna) ekārajāgre kṣaṇi eki (tattaka samādhi u)penti dhīrāḥ /
(dṛṣṭvā sarve diśi jināṃś ca vacaḥ śṛṇonti) tato vikurvi praṇidhānanvitāpramāṇāḥ // 35 //
ityeṣā navamī bhūmir mahājñānavicārinā / gambhīrā durdṛśā sūkṣmā nirdiṣṭā sugatātmajāḥ // 36 //